Ato
ARTE QUE CONTA HISTORIAS
As miñas esculturas non son só obxectos; son historias feitas a man que espertan emocións, arrincan sorrisos e, ás veces, incomodan (porque, sexamos sinceros, iso tamén é arte).
Cada peza é única, creada para reflectir o extraordinario que hai no cotián ou na túa imaxinación máis salvaxe. Desde figuras tenras ata as máis irreverentes, aquí a arte non busca agradar a todo o mundo, senón quedar contigo para sempre.
XIRAFAS
XIRAFAS QUE NUNCA VERÁS NA SABANA
As miñas xirafas son o resultado de xogar coa xenética... artística, claro. Cada unha ten a súa propia personalidade, pero todas teñen algo en común: non deixan indiferente a ninguén.
Eto
MUÑUCUS
DO PAPEL Á VIDA, GRAZAS AOS TEUS FILLOS
Os Muñucus son criaturas únicas baseadas nos debuxos das máis pequenas e dos máis pequenos. Dálle un lugar especial aos seus trazos, e eu convértoos en esculturas que te acompañarán sempre.
INCLASIFICABLES
PEZAS QUE VAN AO SEU AIRE
Estas esculturas non se deixan encadrar. Non queren pertencer a ningunha categoría, e non lles gusta seguir regras. Perfectas para quen pensa fóra da caixa... ou nin sequera ten caixa.
MONSTRUITOS
COMPAÑEIROS PARA OS VALENTES
Os meus Monstruitos son pequenos aliados para eses días difíciles. Valentes de corazón, pero tenros por dentro, acompáñante nas túas pequenas batallas cotiás.
SERIE NUDE
A ESENCIA DO CORPO ESPIDO
Nesta serie, o corpo espido revela a humanidade que compartimos. Famosos ou non, todas e todos somos iguais cando deixamos de lado o superficial. Déixate sorprender pola honestidade destas pezas.
RABUDIÑOS
TEIMUDEZ ENVOLTA EN TENRURA
Os Rabudiños están enfadados coa vida e consigo mesmos, pero no fondo son un cúmulo de tenrura. Perfectos para equilibrar as túas doses de amor e sarcasmo.
WIENNER VOODOO PUPPEN
LIBERA TENSIÓNS CON ESTILO
As Wienner Voodoo Puppen son perfectas para canalizar as túas frustracións de xeito catártico e creativo. Un boneco vudú... pero con clase.
TRAPOSAURIOS
CRIATURAS QUE ILUMINAN O TEU MUNDO
Os Traposaurios son pura alegría e cor. Estas criaturas únicas, cheas de detalles e personalidade, están deseñadas para alegrar calquera espazo e converterse en compañeiros inigualables. Se buscas algo especial que combine arte e diversión, os Traposaurios son a elección perfecta.
MAGONOLIOS
A MAXIA DA NATUREZA FEITA ESCULTURA
Desde as raíces do imaxinario celta, os Magnolios xorden para traer maxia ao teu fogar. Cada peza está feita para conectar co máis profundo da túa creatividade.
ARTE A TÚA MEDIDA
Pór prezo á arte é algo subxectivo, pero sempre é útil contar cunha referencia. Ao longo dos meus anos como creador, realicei pezas desde 60€ ata outras que superaron os 1500€.
Para darche un orzamento propio, preciso coñecer a historia que desexas contar, definir os materiais ou a técnica a usar, así como o tamaño da obra e outros detalles importantes.
Que obra necesitas? Contáctame e falemos.